أبيات راقت لي

‏ماني آقل وماني أزود من الناس
‏ولحدٍ يشابهني ولا أشبه لـ غيري
‏
‏من طاب لي شلته على العين و الراس
‏ومن صد ما حثيت خلفه مسيري .

‏مشتـاق للجنه وخـايـف من النـار
‏بين الـرجا والخوف عـايش حياتي
‏ٰ
‏يانفس يـوم الحشـر ماتقبل أعذار
‏وهي جنة الفردوس اغلى أمنياتي .

‏يا حظ من يدعي له الناس بالخير
‏كاسب قلوب الناس من فعل طيبه
‏ٰ
‏فـي كل قلـبٍ لـه معـزة وتقـدير
‏وطاريه عـند الناس كلن يـجيـبه .

‏الصبر في بعض المواضيع مطلوب*
‏والنفس عن بعض السوالف غنيه .

‏تصبح على شوق يحيي قلبك الميّت*
‏واصبح على اللي تمنيته ولا جاني .

‏أغيب لكني مع الناس .. موجود*
‏وعلاقتي بالناس جدا ...! لطيفه*
‏ٰ*
‏غضيت طرف العين عن كل منقود*
‏وخاويت بيضان القلوب النظيفه .

‏ما عادت الأيام هي نفس الأيام*
‏ولا عادت الناس الحبيبه ، حبيبه*
‏ٰ*
‏احتار فكري ، قبل تحتار الأقدام*
‏الدرب موحش ، والمشاعر غريبه .

‏يالله عسى كل الليالي لنا خير
‏وفيها الحظوظ الطيبة تحترينا .

‏من يعرفك سماك راعي المواجيب*
‏ومن يجهلك راحت حياته خساره .

‏فيني عتب عيّت عيوني تشيله
‏ما عادها وساع مثل ما تحبون

‏أمشي وأحس الأرض هذي ثقيله
‏كأن الأوّادم فوق قلبي يتمشون