أبيات راقت لي

كذآب من قال الشعر حب وجنون
‏واللي يقول الشاعر احساس كذاب

‏أنا هنا وضعي مثل ما تشوفون
‏نبضي شعر واكتب ولاعندي أحباب”
🥴😋

خلك ضرير البصر والسمع
‏على رفيقك .. وابن عمك

‏الناس لو تنجمع لك جمع
‏ماهم مثل لحمك ودمك

خـذيـت مـن مر الزمـن مـا كفاني
‏و عطيت غيري كثر ما كنت "محتاج

‏بغيت لي حاجه و حظي عصاني ؟
‏ من عقبها صديت منعاً للأحراج
😍

دايم الصدمات تدخل مع الباب الوسيع
‏والفرح يدخل على جنب كنه مستحي
🤪

بعض القصّايد يكون إحساسها فارق
‏يبيلها شخص عاش الموقف بـ عينه

‏ما راح يفهمني إلا وااااااحد مفارق
‏من فيكم مفارق .. يرفع يديييينّه.!
🥰

من لا يحس بقيمتك وأنت موجود
‏ما هو بناشد عنك لا صرت غايب
‏-
‏حاول تفرق بيض الأيام والسود
‏يا قلب ما كل الحبايب .. حبايب
‏-
‏اللي يبيك يجيك لو دونك قيود
‏يكسر على شانك خشوم الصعايب
‏-
‏واللي يبي فرقاك لو دربك ورود
‏ما جاك لو إنك من أدنى القرايب


✨✨✨✨✨

أبيات شعر ماهِي لشخص وأسباب
‏أطلق عنان الفكر لـ أبعد حدودّه
‏أرسل غزل آو حب آو شوق وعتاب
‏وكل وآحد يترجم على حسب مودّه
👍🏻🌹❤

إحمد الله وأشكره والرضا ساس الغناه
‏والحياة اسرار..والوقت ماعمره صفا

‏المعافا...يشتهي كل لذّه فــ الحياه
‏والمريض آخر طموحه من الدنيا الشفــاه

يارب لك الحمد والشكر

الجنوبيه معجب بهذا

خذيت بالـماضي والافكار جـوله
‏ورجـعت للحاضر وعنـدي قناعات
‏.
‏اجمـل سنين العمـر سـن الطفـوله
‏واحلى سنـين الحب وقـت البدايات

اي والله اني عايش اليوم .. واشوف
‏ويمر يومي والعمر ، ماحسبته
‏/
‏هذي هي الدنيا تقاسيم .. وظروف
‏اما كسبت الطيب والا .. خسرته