أبيات راقت لي

‏لا اصبح عليك الصبح آمن ومرتاح
‏والجسم طيب ،، والجوارح سليمه
‏
‏تحمدالله فانت من ضمن الأرواح
‏اللي نعم ربي عليها ،،،،، عظيمه .



ربي لك الحمد والشكر والفضل لك وحدك

‏عسى من غفى وهو مكسور الأحلام*
‏« يصحى على فرحة تجدد حياته » .

‏نصيحتي للي يبي راحة البال*
‏يترك كلام الناس عدلٍ ومايل*

‏ما بالنمايم خير والقيل والقال
‏إلا الذنوب اللي بعدها هوايل .

‏مالك ومال الناس ياناقد الناس
‏فكر بـ نفسك والمخاليق دعها

‏لولا اختلاف الناس ماصار اجناس
‏الله خلقها وانت مخلوق معها .

‏مرحوم ياللي سيرتك ذكرها حي
‏فقدك كبير وذكرك العطر باقي .

‏الصاحب اللي ينصحك لا تمله
‏هو راس مالك فـ الليال المعاسير

‏واللي يخاف العيب ويراقب الله*
‏احرص على خوته كانك تبي الخير

‏واحفظ لسانك لا يجي منك زلة
‏تندم بيوم ٍما تفيده معاذير*

‏وابعد عن دروب الردى والمذلة
‏فوق ٍ على ذنبك هموم ومخاسير .

‏ما خاب منهو يحسّن الظن بالله
‏وما ضاق صدرٍ يذكر الله دايم .

‏ليتك تشوف لـ فرحتي يوم احاكيك
‏وليتك تشوف لـ ضيقتي لا فقدتك .

‏يامن سجد وجهي لوجهك ولازال
‏يجني ثمار السجدة اللي سجدها

‏أنا بوجهك من عنى الوقت لامال
‏وشر القلوب المبغضات وحسدها .

‏لا ماتت الأحلام في وجه الظروف ،،
‏جعل العوض فـ الباقيات الصالحات .