جازان هي تعني لنا حب الاوطان
وتعني لنا هي كل حالٍ وحاله
جازان وسط القلب ميزه وميزان
فيها تراث اجداد فيها الاصاله
جازان يالؤلؤ بحر وسط مرجان
يادرة الشطآن يااغلى جباله
جازان تنبت من ثراها برمان
والفل والكادي كساها بجماله
جازان دار العلم والشعر والدان
ورجالها أهل الكرم والشكاله
جازان يعني أعتمد ياكحيلان
ويعني لنا إنّا أصل في الرجاله
قبايل المخلاف في وسط جازان
تاريخهم يشهد على كل قاله
يشهد لنا الحد الجنوبي كشجعان
إنّا على حد الوطن في اشتعاله
أميرها قايد محنّك وسهران
يرعى مصالحها يؤدي الرساله
محمد ابن ناصر له الطيب عنوان
ونايبه راعي الكرم والجماله
محمد اللي تابع الكل بأحسان
بارع ومتكمن وكفو ف مجاله
ياخادم البيتين قادة واركان
رهن الاشارة كل جندي وآله
حنّا جنود المملكه لجل سلمان
كم واحدن منّا فداه بعياله
تشهد لنا الحُرّث وفي جبال دُخّان
كنا نخوض المعركة في بسالة
وارواحنا ترخص اذا ثار بركان
لجل الوطن كلن بحاله وماله
ياسيدي محمد وياطير حوران
ياولي عهد المملكة ياالسلاله
ياسيف بارع مصلت ف كل ميدان
حنّا معك سيفٍ وحنّا بداله
اضرب بنا العدوان مانهاب عدوان
يخسى العدوا ياسيدي ف كل حاله
ارمي بنا الحوثي من اذناب ايران
وحنا ندك حصون هذي الحُثالة
اقولها وانوب عن اهل جيزان
والله ورب البيت رب الجلالة
إنّا فدا هذا الوطن روح وانسان
وإنّا فداكم ياملوكٍ سلالة
الشاعر الشريف حمد العبدلي ( الهاجس)