‪◕‿◕‬ منتديات طموح جنوبيه - اريد حل يا جماعه ؟؟؟

السلام عليكم ورحمة الله وبركاته
يا أخت همسة .. أرجو التركيز معي في الخطوات الأتية :-
بعد تحميل الهاك افتحيه فسوف تجديه مكون من أمرين
1- ملف vb
2- ملف الهاك نفسه xml
سيبي ملف الهاك الأن علي جانب هانرجع له بعد قليل ... وتعالي علي الملف vb
وافتحي هذا الملف فسوف تجديه مكون من 3 ملفات بهذا الشكل :
http://d.top4top.net/p_2216c7j1.jpg
جميل جدا ... تعالي معايا واحد واحدة وبالراحة نشوف هانعمل إيه مع الملفات الوحشة دي
أولا ملف admincp
نفتح الملف نجد بداخله ملف أخر أكثر وحاشة منه لأنه بالشكل ده
http://b.top4top.net/p_221jsoy1.jpg
طيب وبعدين .. طبعاً احنا عندنا برنامج جميل جدا اسمه FTP جاهز من ساعة ما ربنا أكرمنا وفتحنا المنتدي بتاعنا
ما شي وبعدين ....
نروح نفتح البرنامج ده ... وطبعا أكيد احنا عارفين نتعامل معاه إزاي
المهم نرفع الملف اللي فات ده
http://b.top4top.net/p_221jsoy1.jpg
علي ملف admincp زي ما هو باين من هذا الشكل :-

http://b.top4top.net/p_2214yc21.jpg
جميل جدا
تعالي بعد كده ناخد تاكسي ونروح للملف includes ونفتحه نجد بداخله ملف أخر اسمه xml
طبعاً احنا كبار أوي اوي ومش هانسكت علي الكلام ده كله
هانفتح ملف الإكسميل نجد بداخله ملف أخر صغير وحليوة بالشكل ده
http://f.top4top.net/p_2217vk31.jpg
وزي ما عملنا في الملف اللي قبله هانعمل نفس الخطوات بالظبط مع فارق صغنون خالص خالص
إيه هو ؟؟؟
بدل ما نضغط علي ملف admincp اللي في vb لألألألألأ
هانمشي بالسهم شوية شوية لأسفل حتي نصل إلي ملف أخر اسمه إيه ؟؟؟؟
includes
بالظبط شطورة هموسة
طيب ولما نضغط علي ملف الإنكلودز إيه اللي هايحصل ؟؟
هايتغير المسار إلي vb/incgudes
جميل وبعد كده ... نبحث في ملف الإنكلودز عن ملف xml
وبعد كده نرفع الملف اللي جبناه قبل كده
http://f.top4top.net/p_2217vk31.jpg
علي المسار اللي احنا جهزناه اللي هو إيه
vb/incgudes/xml

عال عال عال ... وبعدين ....
خلصنا رفع ملفات الأدمن الإنكلودز ... نيجي للملف الثالث والأخير
اللي هو mwaextrastatus
ما تتخضيش ولا تزعلي خالص ... الملف ده بسيط جدا جدا جدا
هو كل ما في الأمر إن بداخله ملف اسمه bak وعمل الباك ده إن عمك أبو راشد مؤلف كتاب المودة
وضع لنا فيه شوية ألوان جميلة خالص علشان نلون بيهم مجموعات الأعضاء عندنا ...
صحيح هما كتار حبتين ومملين في تحميلهم لأنهم بياخدوا وقت علي الفاضي لكن ولا يهمك
نفس الخطوات بالظبط بس علي المسار vb/ من غير أي حاجة تانية خالص هانرفع الملف ده
ملف إيه mwaextrastatus
وبكده تكوني انتهيتي من تحميل كل ملفات الهاك الوحش ده
بس يكون ناقص إيه ؟؟؟
إيه واضح إنك نمتِ !!!
معلش هي كل حاجة في بدايتها بتكون متعبة شوية
بس اجمدي
باقي عندنا ملف الهاك نفسه
واظن مش معقول الأحبه هنا ما عرفوكيش إزاء تحملي الهاكات
وفي النهاية تقدري تلوني مجموعات الأعضاء بالألوان اللي تختاريها
وممكن كمان تختاري ألوان بعيدة خالص عن ألوان المودة
إزاي ؟؟؟؟
الأخوة اللي أعرفهم في المنتديات قالوا إن في طريقتين
الاولي ... هو إنك تغيري أرقام الألوان الجديدة بنفس أرقام الألوان القديمة
والثانية ... هو إنك تدخلي ملف الهاك نفسه بالنود باك مثلا ( وطبعا دي عايزة خبير زي حالاتي )
وتزودي عدد الألوان من 475 إلي العدد الجديد بعد إضافة عدد الألوان الجديدة
ولكن بكل فخر وبعد خبرة عشرين سنة منتديات وامتلاك 4 منتديات تمكنت من إيجاد طريقة أخري
وأسهل وعملية جدا وسهله علي كل مبتدئ .
إيه هي ؟؟؟؟
موعدنا في لقاء أخر
وأرجو أن اكون تمكنت من عمل شرح وافي سلس خفيف علي المعدة
أقول لك تصبحي علي خير
ما عدش شايف حاجة امامي
يالله روحي نامي
أحلام سعيدة
السلام عليكم ورحمة الله وبركاته