لازعل ينكر الطيب
 

لازعل ينكر الطيب
حنا على الخوة نسوق المواجيب
وان بارت الخوة محنا بحاجة

لوجيهنا قيمة ولصدورنا غيب
ما الله خلقنا ريشة في عجاجة

للطيب طيب وللمودة تراحيب
وللجد حد وللسماجة سماجة

ابعد عن اللي لا زعل ينكر الطيب
اللي عشرته مع مزاجه

ان راق رقاها طوال المراقيب
وان ضاق ضيقها على ادناة حاجة

ماهو صحيبن لي ولاني له صحيب
حتى لو انا كل يوم نتواجه

احرص على اللي خوته حواء الذيب
لماح دماح طليقن حجاجه

يفز لام نجت منك المناديب
ويجلي عمس عين الخوي وانزعاجه

يستر رفيقه عن كبار العذاريب
ويعرف مداخيله ويعرف خراجه

جربت في الاصحاب كل الاطفال
ولقيت معظمهم سواة الخواجه

اما لقى عندك متاع وملي جيب
ولا يبيعك بيع شاوي نعاجه

رفقة فلس ما من وراها مكاسيب
تبي لا حمية الأيام ساجه

في كل يوم كاسب له معازيب
واللي قضية من درب الاشغال ماجه

ولا حزامي في الليال المعاصيب
روس الرجال وعز راسي وتاجه

محازم مافي فشقها مكاذيب
ونار يشب الجار منها سراجه

افتخر بهم ما تطلع الشمس وتغيب
واعينهم واسدهم في المواجه

ولاني على الزلة قريب محاضيب
حر على روس الطوال دراجه

اعامل العالم بحنكة وتهذيب
واشوم عن بعض الحكي واللجاجة

وان شفت عوج الاش صديت
ماني بمكلوف اعدل ميلته وانعواجه

وليا وردنا صافيات المشاريب
نشرب قراح الماء ونترك هماجه