|
رد: أبيات راقت لي
عسى نفسي اللي بين الاحلام والغايات
ماتفقد شعور الكلمه اللي تحفزها على كثر مامرت علينا من العثرات ياكثر الظروف اللي عبرنا حواجزها . |
رد: أبيات راقت لي
اطلب من الله في صلاتك يعافيك
ويغفر ذنوبك ثم تعيش متهنّي إحرص على دينك وزيّن مماشيك وناج الرحيم وقول يارب عنّي |
رد: أبيات راقت لي
يا صاحبي صبرك ترا الدنيا كفاح
محدٍ علي وجه البسيطه مستريح اللي يبي القمه ومكسور الجناح واللي علي القمه وخايف لا يطيح |
رد: أبيات راقت لي
الحاجه اللي دونها منة الناس
خليتها وأرجي من الله عوضها الناس لو تقدر على كتم الأنفاس كان منعت حتى الهواء من بعضها |
رد: أبيات راقت لي
ما عادت الأيام هي نفس الأيام
ولا عادت الناس الحبيبه ، حبيبه ٰ احتار فكري ، قبل تحتار الأقدام الدرب موحش ، والمشاعر غريبه . |
رد: أبيات راقت لي
تسوقنا الاقدار ونسوق الاقدام
يومٍ لنا يحسب ويومٍ علينا للخلف ماننظر والارزاق قدام ومقسومنا الطيّب تحوشه يدينا |
رد: أبيات راقت لي
ليت الزمن يرجع والايام تنعاد
ودي على وقتٍ مضى من حياتي . |
رد: أبيات راقت لي
يالله عساني لا تعثرت ما أطيح
قدام من هو يستلذ إنكساري . |
رد: أبيات راقت لي
نعتذر بـالصمت من كبر الجروح
ونبتسم للحزن لو متنا ألم وش يفيد البوح لو نبغى نبوح دام بعض البوح يوصل للندم |
رد: أبيات راقت لي
ندري ان الوقت دوّار واللي فيه فيه
والمواقف درس والسبت قافيه الأحد ان صفت الايام فـ ابرك وهذا اللي نبيه وكانها عيّت « فـ الايام » ما تصفي لحد |
رد: أبيات راقت لي
ياحي طبع اللي يصون الصداقه
حتى لو انّه … ما تعنّى و سيَّر يحفظ أصول المعرفه.. والعلاقه ويبقى على طول الدّهر ماتغيّر |
رد: أبيات راقت لي
يالله وانا طالبك في هذه الساعه
دعوة فقيرٍ مايرجي فالزمن غيرك تفرج همومٍ على الخفاق مجتمعه وتمد عبدك ياراع الجود من خيرك |
رد: أبيات راقت لي
سقى الله ليالي فايته يوم كنت صغير
اذا ضايقوني شفت لي فلم كرتوني اشوف السعادة لعب كوره ورسمة طير واشوف الحزن " لا سيّر ابوي من دوني |
رد: أبيات راقت لي
يالله بصبحٍ يطلق الرزق والنور
صبحٍ تباشيره على الكون كله |
رد: أبيات راقت لي
مبطيه كل المجالس عن علوم المزون
من يبشرهم بالأمطار يبشر بالعشاء يا الله بغيثٍ يخلي المساجد يجمعون الظهر مع العصر .. والمغرْب مْع العشاء |
رد: أبيات راقت لي
الرزق عند الله .. و انا ماني بـ قلق
ما دام ربي .. كافلٍ لي مصيري يالله برزقٍ اسرع امن الهوى الطلق من كثّرت ابركته اشوفه بغيري |
رد: أبيات راقت لي
يالله بدعوه صادقه من ظهر غيب
من واحدٍ محبتا لك " من الله " تفتح لك ابواب السماء والدواليب وتظلك بيوم الحشر تحت ظله دعوة محبن ماا وراها .. مكاسيب من قلب مؤمن لاخطا أستغفر الله |
رد: أبيات راقت لي
فلا هو بالقرب الذي يُريح الفُؤاد
ولاهو بالبُعد الذي يُنهي الأمل |
رد: أبيات راقت لي
أنا الصبور اللي صبر في دنيته صبر جميل
و أنا القنوع اللي رضا في ما كتب ربي و أمر |
رد: أبيات راقت لي
اطلب من الله في صلاتك يعافيك
ويغفر ذنوبك ثم تعيش متهنّي إحرص على دينك وزيّن مماشيك وناج الرحيم وقول يارب عنّي |
رد: أبيات راقت لي
ساكت و صدري من البوحَ مزحوم
حتى السكوت يقول تكفى ، تكلمّ |
رد: أبيات راقت لي
هو يحسبني مع البعد بنساه والله
لو اضحك مع احفادي مانسيتك |
رد: أبيات راقت لي
يـالله جعـل الليـالي لامن جـارت ودارت
ما توجع أمي وأبوي أو واحدٍ من إخواني |
رد: أبيات راقت لي
انـا مجـرد حلـم فـي واقـع الياس
كل ما وصل باب الاماني تسكر دورت لي في صدر الأيام مجلاس وجلست في مكان أسمه تذكّر |
رد: أبيات راقت لي
فيا نافورةَ الدَّعَوَاتِ:أُمِّي
وأَصدَقَ مَنْ يُناديني: حبيبي! : إذا اسْتَوْفَيْتُ منكِ رضاكِ عنِّي فقد وَفَّيتُ في الدنيا نصيبي |
رد: أبيات راقت لي
فاح العبير إذا ذكرت محمــدا
و النور أشرق و الظلام تبددا صلى عليك الله يا نبع الهدى ماطار طير في السماء و غردا اللهم صل وسلم وبارك عليه |
رد: أبيات راقت لي
أعوذ بك ربي من الخوف ومن الوسواس
ومن حاجةٍ مالي بها قوه ولا حِيله فيك الرجى ما خاب يارب الفلق والنّاس ومنك الأمل ما مات لا لحظة ولا ليله أنت اليقين اللي قطع حبل الجزع واليأس وأنت الأمان اللي بخوفي دايم اشْكي له |
رد: أبيات راقت لي
حاولت اسلي خاطري قدر الامكان
آثر الهموم تحدني واحتديها ! كم ضيقة ٍ جاهدتها صبر وايمان تفجرت وانا عجزت احتويها ! |
رد: أبيات راقت لي
لا فقدنا شخص تكثر فالدروب أشباهه
كن وجهه في وجيه العابرين يوزع. |
رد: أبيات راقت لي
بين الصبر والصمت والخاطر الشين
ما قلت يا ليل العنا وش جرالي ومن كثر صدماتي بناس عزيزين قمت أتحرى صدمتي من ظلالي |
رد: أبيات راقت لي
أحسب عمار الدار يابوي جدران
وأثر عمار الدار . . يابوي أنت . |
رد: أبيات راقت لي
دنيا تقلب كل ساعه لها لون
والوقت يمضي بارقٍ لاح نوضه ايامها في زود والخلق يفنون واعمالهم يوم الحساب معروضه |
رد: أبيات راقت لي
السلام اسهل اساليب التواصل
واجمل انواع السلام الابتسامه . |
رد: أبيات راقت لي
غلاه كنّـه في الضـماير دهن عود
يعـتّقه طـول الـزمن ويتـجدّد |
رد: أبيات راقت لي
ما قلتُ يوماً يا مُحمَّدُ شادياً
إلا سمَوتُ… وهلَّتِ الأضواءُ ياربِّ صلِّ عليهِ…ما مُدَّتْ يدٌ وانسابَ من ثغْرِ اليقينِ دعاءُ |
رد: أبيات راقت لي
أُمي وإن ملأ المشيبُ هامتي
سأظلُ طفلةً عندها أتدللُ وتظلُّ أمي فوق كل مُهمةٍ حتى شموخي عندها يتذللُ ❤ |
| الساعة الآن 04:44 PM. |
Powered by vBulletin® Version 3.8.11
Copyright ©2000 - 2026, vBulletin Solutions Inc.
هذا الموقع يتسخدم منتجات Weblanca.com
HêĽм √ 3.1 BY: ! ωαнαм ! © 2010