أبيات راقت لي

[اللؤلؤ المنثور]

لصاحب اللي كل ماضقت تلقاه
ودك تسمي بيض الايام باسمه

[سلطان الزين]

كذآب من قال الشعر حب وجنون
‏واللي يقول الشاعر احساس كذاب

‏أنا هنا وضعي مثل ما تشوفون
‏نبضي شعر واكتب ولاعندي أحباب”

[الجنوبيه]

تزين الخواطر كل مازانت الاحوال
‏(عسى احوالنا واحوالكم دايمٍ زينه)

[الجنوبيه]

في مجريات الحياة العقل دربه دليل
‏اسرافك الزايد بطيبك بلا فايده

‏حاول تجي معتدل ويصير مالك مثيل
‏ما ينكب الطيّب الا الطيبه الزايده

[الجنوبيه]

البشاشه والتسامح والتغاضي
‏من صفات اللي ضمايرهم نظيفه .

[الجنوبيه]

جعل القلوب اللي لها القلب يشتاق
‏تصبح وتمسي بالهنا..والسعادة
‏
‏وجعل النفوس اللي تحلت بالأخلاق
‏تصبح وتمسي ماتشوف .. النكادة،

[ماجدة]

تزين الخواطر كل مازانت الاحوال
‏(عسى احوالنا واحوالكم دايمٍ زينه)

[سلطان الزين]

عسى الخفايا من الأقدار تبهجنا
عسى الجديد من الأيام يُحيينا"

[طموح جنوبية]

لاجارت الدنيا على حضك الشين
‏اضحك على الدنيا بكلمة عوافي .:biggrin:

[طموح جنوبية]

خلك بحر غامض وبأعماقك أسرار
‏وفي ظاهـرك للناس عزه وهيبــه

‏لا تشتـكي جــرح الليــالي والأقدار
‏يدوس جرحك من تحسبه ، طبيبه

[طموح جنوبية]

نخسر بشر بس مانخسر مبادينا
‏ودروبنا صوب فعل الطيب مندفعه

‏ما نلتفت لـ الكلام اللي يجي فينا
‏نفوسنا عن كلام الناس مرتفعه .

[طموح جنوبية]

لا ماتت الأحلام في وجه الظروف ،،
‏جعل العوض فـ الباقيات الصالحات .

[الجنوبيه]

لا تعاتبني على الصمت مدري وش اقول
‏ضايقٍ خلقي من الناس و اولهم انا

‏كل ما قربت برتاح من شيل الحمول
‏شلت في قلبي مدارات و أحباب و عنا

‏كنت واهم يوم اقول انها شدة و تزول
‏الهنا هناك متراكي و انا واقف .. هنا

[الجنوبيه]

اليا ذكرت العفو عند المقدره
‏تحاملت نفسي على كبر زعلي

‏لازالت الدنيا مساحه و سفرَه
‏المبتلى في غير دينه ما بلي

‏درسٍ عطانيه الزمن من دفتره
‏خلى مزاجي في التعامل مايلي

‏مالي ومال الناس من حبّ وكره
‏محدٍ بداخل جنة الله .. بـ اعملي

[اللؤلؤ المنثور]

غفلت عن عمري و سايرت الأيام
و العمر مثل العصر و العصر فوات
وكسبت من كثر الأماني و الأحلام
حلم تعلق لا تحقق و لا مات

[الجنوبيه]

ضحكه ،، وراها هموم ودمعة مكابر
‏بتفجر صدورنا لو ماضحكناها

[الجنوبيه]

حطوا على وجه الصبر مايغطيّه
‏ماعاد لأهل الصبر مايخسرونه

‏ياما صبرنا تحت ظل المشاريه
‏واللي يعذر الناس ما تعذرونه

‏حنا مثل نور الفرج بآخر التيه
‏إمشوا معاه لآخره توصلونه

‏إذا على الغالي ؟ نحبه ونغليه
‏وإذا على الفرقا ؟ لكم ماتبونه

[الجنوبيه]

اشغلت نفسي بالامور الكبيرة
‏خوفٍ عليها تنشغل بالتفاهات

[الجنوبيه]

ياربّ الخير .. جعل الخير قدامي
‏وتنحشد لي من الفرحه صفوف
‏-
‏ياربّ أصافح إذا عشت أحلامي
‏ومن البشر ياربّ أطهرهم كفوف

[الجنوبيه]

ما يضاهي عزة النفس بالدنيا غناه
‏عن دروب الذل يا خطوة العز انتحي

‏الردي لو يشري المدح مايخفي رداه
‏ندري إن ماكل من خاف ربه ملتحي

‏مشكلتنا كل مخطي نبرر له خطاه
‏نستحي في وقت فيه العرب ماتستحي

[سلطان الزين]

اطلب من الله في صلاتك يعافيك
‏ويغفر ذنوبك ثم تعيش متهنّي

‏إحرص على دينك وزيّن مماشيك
‏وناج الرحيم وقول يارب عنّي

[الجنوبيه]

رغم الظروف اللي تمرّنا عايشين
‏و الوقت يمشي ما يطالع فايته

‏ممتع شعور الصبر بكل الحالتين
‏يعلمك كل شيٍ بيوصل غايته

[الجنوبيه]

أحيانًا الصمت هو افضل وسيلة هروب
‏عن قولة الناس : ( هذي ليت ما قالها )

‏و الكلمة الطيّبة مـفـتـاح كـل القلوب
‏لـو انّها كـلّ يـوم .. تـبـدّل أقـفـالـهـا

[الجنوبيه]

يالله بدعوه صادقه من ظهر غيب
‏من واحدٍ محبتا لك " من الله "

‏تفتح لك ابواب السماء والدواليب
‏وتظلك بيوم الحشر تحت ظله

‏دعوة محبن ماا وراها .. مكاسيب
‏من قلب مؤمن لاخطا أستغفر الله

[سلطان الزين]

‏جعل الرفيق اللي ع الطيب سباق*
‏يبطي ب عمره والردي فدوةٍ له .

[الجنوبيه]

تدري زمان أول وش اللــي محليه
‏إن النوايا في قســــى الوقت ، زينه
‏

‏صدق النفوس وطهرها والمشاريه
‏وخــــوة شرف لأجله تباع ، الثمينه

[الجنوبيه]

يامرحبا ياعام « سته 26وعشرين »
‏دام الجروح ان جيت بتصير ماضي

‏كنت اجهل شلون اتغاضى وهالحين
‏صرت اعرف وشلون فن التغاضي

‏وان راح عامٍ فيه محنا براضين
‏« يالله بـ علمٍ منه الكل راضي »

[الجنوبيه]

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

[الجنوبيه]

تفرح بك الذكرى ويطرب لك البال
‏هذا انت يا صوت المطر ما تغيّرت

[الجنوبيه]

انزل يا مطر وانزل على الأرض رحمه
‏واشرح صدور اللي عن الذنب تابوا
‏ٰ
‏ويارب .. مع كل دعوه .. وكل كلمه
‏تسقي ( قبور ) اللي عن العين غابوا

[الجنوبيه]

عسى نفسي اللي بين الاحلام والغايات
ماتفقد شعور الكلمه اللي تحفزها

على كثر مامرت علينا من العثرات
ياكثر الظروف اللي عبرنا حواجزها .

[سلطان الزين]

اطلب من الله في صلاتك يعافيك
‏ويغفر ذنوبك ثم تعيش متهنّي

‏إحرص على دينك وزيّن مماشيك
‏وناج الرحيم وقول يارب عنّي

[الجنوبيه]

يا صاحبي صبرك ترا الدنيا كفاح
‏محدٍ علي وجه البسيطه مستريح

‏اللي يبي القمه ومكسور الجناح
‏واللي علي القمه وخايف لا يطيح

[الجنوبيه]

الحاجه اللي دونها منة الناس
‏خليتها وأرجي من الله عوضها

‏الناس لو تقدر على كتم الأنفاس
‏كان منعت حتى الهواء من بعضها

[الجنوبيه]

ما عادت الأيام هي نفس الأيام
‏ولا عادت الناس الحبيبه ، حبيبه
‏ٰ
‏احتار فكري ، قبل تحتار الأقدام
‏الدرب موحش ، والمشاعر غريبه .

[الجنوبيه]

تسوقنا الاقدار ونسوق الاقدام
‏يومٍ لنا يحسب ويومٍ علينا

‏للخلف ماننظر والارزاق قدام
‏ومقسومنا الطيّب تحوشه يدينا

[الجنوبيه]

ليت الزمن يرجع والايام تنعاد
‏ودي على وقتٍ مضى من حياتي .

[الجنوبيه]

يالله عساني لا تعثرت ما أطيح
‏قدام من هو يستلذ إنكساري .

[الجنوبيه]

نعتذر بـالصمت من كبر الجروح
ونبتسم للحزن لو متنا ألم

وش يفيد البوح لو نبغى نبوح
دام بعض البوح يوصل للندم

[الجنوبيه]

ندري ان الوقت دوّار واللي فيه فيه
‏والمواقف درس والسبت قافيه الأحد

‏ان صفت الايام فـ ابرك وهذا اللي نبيه
‏وكانها عيّت « فـ الايام » ما تصفي لحد

[الجنوبيه]

ياحي طبع اللي يصون الصداقه
‏حتى لو انّه … ما تعنّى و سيَّر

‏يحفظ أصول المعرفه.. والعلاقه
‏ويبقى على طول الدّهر ماتغيّر

[الجنوبيه]

يالله وانا طالبك في هذه الساعه
‏دعوة فقيرٍ مايرجي فالزمن غيرك

‏تفرج همومٍ على الخفاق مجتمعه
‏وتمد عبدك ياراع الجود من خيرك

[الجنوبيه]

سقى الله ليالي فايته يوم كنت صغير
‏اذا ضايقوني شفت لي فلم كرتوني

‏اشوف السعادة لعب كوره ورسمة طير
‏واشوف الحزن " لا سيّر ابوي من دوني

[الجنوبيه]

يالله بصبحٍ يطلق الرزق والنور
‏صبحٍ تباشيره على الكون كله

[الجنوبيه]

مبطيه كل المجالس عن علوم المزون
من يبشرهم بالأمطار يبشر بالعشاء

يا الله بغيثٍ يخلي المساجد يجمعون
الظهر مع العصر .. والمغرْب مْع العشاء

[الجنوبيه]

الرزق عند الله .. و انا ماني بـ قلق
‏ما دام ربي .. كافلٍ لي مصيري

‏يالله برزقٍ اسرع امن الهوى الطلق
‏من كثّرت ابركته اشوفه بغيري

[الجنوبيه]

يالله بدعوه صادقه من ظهر غيب
من واحدٍ محبتا لك " من الله "

تفتح لك ابواب السماء والدواليب
وتظلك بيوم الحشر تحت ظله

دعوة محبن ماا وراها .. مكاسيب
من قلب مؤمن لاخطا أستغفر الله

[الجنوبيه]

فلا هو بالقرب الذي يُريح الفُؤاد
ولاهو بالبُعد الذي يُنهي الأمل

[اللؤلؤ المنثور]

أنا الصبور اللي صبر في دنيته صبر جميل
و أنا القنوع اللي رضا في ما كتب ربي و أمر

[سلطان الزين]

اطلب من الله في صلاتك يعافيك
‏ويغفر ذنوبك ثم تعيش متهنّي

‏إحرص على دينك وزيّن مماشيك
‏وناج الرحيم وقول يارب عنّي